akṣamāla
← Back to అ · Booklets 1–10 (digitized file 1)

అండజములు aṃḍajamulu

Original — తెలుగు
  1. అండేభ్యోజాతాః అండజాః : పక్షిపన్నగాదీని.

(గుడ్డు నుండి పుట్టినవి పక్షులు, పాములు మొ. వి.)

  1. గుడ్డు పగిలి అందులోపలినుండి పక్షులు, పన్నగములు పుట్టునట్లు సత్పదార్ధము ప్రకృతితో కలిసి (Energy and Matter) కాలస్వభావములను శక్తులుచేత కేంద్రకృతమై కాలక్రమేణా ఘనీభూతమైన బ్రహ్మతత్వము, హిరణ్యగర్భుడు, లేక చతుర్ముఖ బ్రహ్మ అను అండరూపము (బ్రహ్మాండరూపము - cosmic egg) నొంది కాలవశములో అది ప్రేలి దానిలోని పదార్ధము చెల్లా చెదురై నలు దిక్కులకు విరజిమ్మబడగా ఆ చెదిరిన భాగములు ఒక్కొక్కటి ఒక్కొక్క లోకముగా పరిణమించెను. వాటి నుండి వేర్వేరు పదార్ధములు పుట్టి కొన్ని జీవరాసులుగా మారి ఇవి అన్ని కలిసి ఈ ప్రపంచముగా మారినది.

(ఉదా:- మన సూర్యునికి ఇంకో పేరు మార్తాండుడు - అనగా “మృతే అండే జాతః” - అండము - బ్రహ్మాండము - పేలిపోగా పుట్టినది.) అనగా గుడ్డు (బ్రహ్మాండము - cosmic egg) ప్రేలి తుత్తునియలు అయినందువలన పుట్టినది (big bang). ఈ ప్రకారముగా పుట్టినవే ప్రకాశమానములయి ఆకాశములో మనకి అగుపడు తేజోరూపములైన నక్షత్రములు. మన సూర్యుడు కూడా ఇటువంటి ఒక నక్షత్రమే. అందుచేత ఇవి అన్నియు అండజములె. (చూ:- ‘బ్రహ్మాండము’)

ఈ విషయమై శ్రీ శంకరాచార్యులు వారి అభిప్రాయము ఈ క్రింది విధముగా ఉన్నది. “అండశ్య అంతస్త్వినే లోకాః సప్తద్వీపాశ్చమేదినే”

(శ్రీ శంకరః)

అండము లోపల ఈ లోకములు, సప్తద్వీపములు, భూమి ఉన్నవి. బ్రహ్మాండములో అన్ని లోకములు మొ.వి. బ్రహ్మాండ భేదనముచే పైకి వేరు వేరు లోకములుగా వెలువడినవి.

  1. “అపంచీకృత పంచమహాభూతాత్మకం హైరణ్యగర్భం, తత్వం అండతత్ అవ్యక్తా మాయా ఉత్పద్యతే | అండశ్య హిరణ్యగర్భధానీయశ్య అంతర్విలోకాఃభూరాదయః నిరాదాత్మకాః వర్తంతే”.

(పంచీకృతము కానటువంటి పంచమహా భూతాత్మకమైన హిరణ్యగర్భ తత్వము అండము, బ్రహ్మాండము (cosmic egg) ఇవి అవ్యక్తము నుండి పుట్టినవి - హిరణ్యగర్భుడను పేరు గల అవ్యక్తము నుండి ఈ అండములో నిరాడాత్మకమైన (అనగా వివిధములుగా కనబడుచూ ప్రకాశించుచున్న) ఈ భూమి మొ ||ఈ లోకములు ఉండును. ఆ అండము పగిలి, లోనున్నవి పైకెగసి, చెల్లాచెదురై లోకములలోని సమస్త వస్తువులుగా అయినవి.) (చూ || ‘బ్రహ్మాండము’; ‘హిరణ్యగర్భుడు’, ‘లోకములు’)

  1. “వ. --- కాలఖర్మ స్వభావ ప్రేరకుండైన పరమేశ్వరుండు జీవ రూపంబున మహావరణ జలమధ్య స్థితంబైన బ్రహ్మాండములోను చొచ్చి సవిస్తరంబు గావించి అట్టి అండంబు భేధించి నిర్గమించె నెట్లంటేని.

క. భువనాత్మకుడా యీశుడు

భవనాకృతితోడ నుండు బ్రహ్మాండంబున్

వివరముతో బదునాలుగు

వివరంబులుగా నొనర్చె విశిదంబులుగన్.

మ. బహు పా దోరు భుజాన నేక్షణ శిరః ఫాల శ్రవో యుక్తుడై

విహరించున్ బహుదేహి దేహగతుడై విద్వాంసు లూహించి త

ద్బహు రూపావయవంబులన్ భువన సంపత్తిన్ విచారింతు - - - (శ్రీమదాంధ్ర మహాభాగవతము - 2 - 5 – 86 - 88)

Transliteration
  1. aṃḍēbhyōjātāḥ aṃḍajāḥ : pakṣipannagādīni.

(guḍḍu nuṃḍi puṭṭinavi pakṣulu, pāmulu mo. vi.)

  1. guḍḍu pagili aṃdulōpalinuṃḍi pakṣulu, pannagamulu puṭṭunaṭlu satpadārdhamu prakṛtitō kalisi (Energy and Matter) kālasvabhāvamulanu śaktulucēta kēṃdrakṛtamai kālakramēṇā ghanībhūtamaina brahmatatvamu, hiraṇyagarbhuḍu, lēka caturmukha brahma anu aṃḍarūpamu (brahmāṃḍarūpamu - cosmic egg) noṃdi kālavaśamulō adi prēli dānilōni padārdhamu cellā cedurai nalu dikkulaku virajimmabaḍagā ā cedirina bhāgamulu okkokkaṭi okkokka lōkamugā pariṇamiṃcenu. vāṭi nuṃḍi vērvēru padārdhamulu puṭṭi konni jīvarāsulugā māri ivi anni kalisi ī prapaṃcamugā mārinadi.

(udā:- mana sūryuniki iṃkō pēru mārtāṃḍuḍu - anagā “mṛtē aṃḍē jātaḥ” - aṃḍamu - brahmāṃḍamu - pēlipōgā puṭṭinadi.) anagā guḍḍu (brahmāṃḍamu - cosmic egg) prēli tuttuniyalu ayinaṃduvalana puṭṭinadi (big bang). ī prakāramugā puṭṭinavē prakāśamānamulayi ākāśamulō manaki agupaḍu tējōrūpamulaina nakṣatramulu. mana sūryuḍu kūḍā iṭuvaṃṭi oka nakṣatramē. aṃducēta ivi anniyu aṃḍajamule. (cū:- ‘brahmāṃḍamu’)

ī viṣayamai śrī śaṃkarācāryulu vāri abhiprāyamu ī kriṃdi vidhamugā unnadi. “aṃḍaśya aṃtastvinē lōkāḥ saptadvīpāścamēdinē”

(śrī śaṃkaraḥ)

aṃḍamu lōpala ī lōkamulu, saptadvīpamulu, bhūmi unnavi. brahmāṃḍamulō anni lōkamulu mo.vi. brahmāṃḍa bhēdanamucē paiki vēru vēru lōkamulugā veluvaḍinavi.

  1. “apaṃcīkṛta paṃcamahābhūtātmakaṃ hairaṇyagarbhaṃ, tatvaṃ aṃḍatat avyaktā māyā utpadyatē | aṃḍaśya hiraṇyagarbhadhānīyaśya aṃtarvilōkāḥbhūrādayaḥ nirādātmakāḥ vartaṃtē”.

(paṃcīkṛtamu kānaṭuvaṃṭi paṃcamahā bhūtātmakamaina hiraṇyagarbha tatvamu aṃḍamu, brahmāṃḍamu (cosmic egg) ivi avyaktamu nuṃḍi puṭṭinavi - hiraṇyagarbhuḍanu pēru gala avyaktamu nuṃḍi ī aṃḍamulō nirāḍātmakamaina (anagā vividhamulugā kanabaḍucū prakāśiṃcucunna) ī bhūmi mo ||ī lōkamulu uṃḍunu. ā aṃḍamu pagili, lōnunnavi paikegasi, cellācedurai lōkamulalōni samasta vastuvulugā ayinavi.) (cū || ‘brahmāṃḍamu’; ‘hiraṇyagarbhuḍu’, ‘lōkamulu’)

  1. “va. --- kālakharma svabhāva prērakuṃḍaina paramēśvaruṃḍu jīva rūpaṃbuna mahāvaraṇa jalamadhya sthitaṃbaina brahmāṃḍamulōnu cocci savistaraṃbu gāviṃci aṭṭi aṃḍaṃbu bhēdhiṃci nirgamiṃce neṭlaṃṭēni.

ka. bhuvanātmakuḍā yīśuḍu

bhavanākṛtitōḍa nuṃḍu brahmāṃḍaṃbun

vivaramutō badunālugu

vivaraṃbulugā nonarce viśidaṃbulugan.

ma. bahu pā dōru bhujāna nēkṣaṇa śiraḥ phāla śravō yuktuḍai

vihariṃcun bahudēhi dēhagatuḍai vidvāṃsu lūhiṃci ta

dbahu rūpāvayavaṃbulan bhuvana saṃpattin vicāriṃtu - - - (śrīmadāṃdhra mahābhāgavatamu - 2 - 5 – 86 - 88)

English

English translation not yet available for this entry. Let us know if you'd like to help.